Avengers တွေရဲ့ နယူးယောက် တိုက်ပွဲအပြီးမှာ Steve Rogers ဟာ
နယူးယောက်မြို့မှာပဲ နေထိုင်လျက် ရှိပါတယ်။ အိန္ဒိယသမုဒ္ဒရာမှာ ရှိတဲ့
S.H.I.E.L.D အဖွဲ့ရဲ့ သင်္ဘောပြန်ပေးဆွဲခံရတဲ့ အချိန်မှာတော့ သူတို့ကို
ကယ်တင်ဖို့ Steve Rogers ဟာ Natasha Romanoff နဲ့အတူ အေးဂျင့် Rumlow ရဲ့
S.T.R.I.K.E အဖွဲ့ လက်အောက်မှာ တာဝန်ထမ်းဆောင်ရပါတယ်။ သူတို့ဟာ
ဓားစာခံတွေကို ကယ်တင်နိုင်ခဲ့ပေမယ့် Natasha ကတော့ တခြားတာဝန်တစ်ခုကို
ဆက်လက်ထမ်းဆောင်နေခဲ့ပါတယ်။ အဲဒါကတော့ S.H.I.E.L.D အဖွဲ့ရဲ့
လျှို့ဝှက်သတင်းအချက်အလက်တွေကို ခိုးယူတာပါပဲ။ တကယ်တော့ Natasha ဟာ Steve
ရဲ့ အထက်အရာရှိ Nick Fury ရဲ့ အမိန့်အရ ဒီအချက်အလက်တွေကို ခိုးယူတာ
ဖြစ်ပါတယ်။
Steve ဟာ ဒီကိစ္စကို Nick Fury ဆီ တင်ပြငြင်းခုန်တဲ့အခါမှာ Nick က
S.H.I.E.L.D ဌာနချုပ်ထဲမှာ တည်ဆောက်ထားတဲ့ Insight လို့ခေါ်တဲ့
လေယာဉ်တွေသယ်ဆောင် ပျံသန်းနိုင်တဲ့ ယာဉ်ကြီး ၃ စင်းကို ပြသပါတယ်။
အဲဒီယာဉ်တွေကို ဘာအတွက် ရည်ရွယ်တည်ဆောက်ထားလဲဆိုတာ သိရဖို့
ဒီအချက်အလက်တွေကို ခိုးယူခိုင်းတာ ဖြစ်ကြောင်းရှင်းပြပေမယ့် Steve ကတော့
လက်မခံချင်ပါဘူး။ Insight ၃ စင်းဟာ လူတွေရဲ့ DNA အချက်အလက်ကို ဖတ်ရှုပြီး
ရန်သူကို ပစ်ခတ်ချေမှုန်းနိုင်ပါတယ်။ Natasha ခိုးယူလာတဲ့ အချက်အလက်တွေကို
ကြည့်ရှုဖို့ ကြိုးစားပေမယ့် မရတာကြောင့် Nick က ပိုပြီး သံသယ၀င်လာပါတယ်။
သူ့ရဲ့လက်ထောက် Maria Hill ဆီအသွားမှာ Nick ကို Rumlow အပါအ၀င် ရဲတွေ၊
အထူးတပ်ဖွဲ့ဝင်တွေက ၀ိုင်းဝန်းလုပ်ကြံပါတယ်။ Winter Soldier လို့
နာမည်ဝှက်ပေးထားတဲ့ လူသတ်သမားနဲ့ ရင်ဆိုင်ရတဲ့အချိန်မှာတော့ Nick ဟာ
လွတ်မြောက်အောင် ခက်ခက်ခဲခဲ ထွက်ပြေးရပါတယ်။ Nick ဟာ Steve ရဲ့
တိုက်ခန်းမှာ လာပုန်းနေခဲ့ပေမယ့် Winter Soldier ရဲ့ လုပ်ကြံမှုကြောင့်
သေနတ်မှန်သွားခဲ့ပါတယ်။ သတိမလွတ်ခင်မှာ Nick ဟာ သူရရှိထားတဲ့ အချက်အလက်တွေ
ပါတဲ့ Flash Drive လေးကို Steve လက်ထဲ လွှဲပေးခဲ့ပါတယ်။ Nick ကို
ခွဲစိတ်ကုသပေမယ့် မအောင်မြင်ပဲ နှလုံးရပ်သွားခဲ့ပါတယ်။ သူ့ရဲ့
ကြွင်းကျန်တဲ့ ခန္ဓာကိုယ်ကို Maria Hill က သယ်ဆောင်သွားပါတယ်။
S.H.I.E.L.D ရဲ့ ဒါရိုက်တာ Alexander Pierce က Steve ကို ခေါ်ပြီး Nick
အကြောင်း မေးမြန်းရာမှာ Steve ဟာ သူရထားတဲ့ အချက်အလက်တွေအကြောင်း
မပြောပြခဲ့ပါဘူး။ ဒါကို သံသယရှိတဲ့ Pierce က S.T.R.I.K.E ကို လွှတ်ပြီး
Steve ကို ဖမ်းဖို့ ကြိုးစားပါတယ်။ အခြေအနေကို ရိပ်စားမိတဲ့ Steve က
ထွက်ပြေးလွတ်မြောက်သွားပြီး သူဖွက်ထားခဲ့တဲ့ Flash Drive ကိုသွားယူတဲ့အခါ
Natasha နဲ့ တွေ့ပါတယ်။ Black Widow နဲ့ Captain America တို့ ဟာ
ဆွစ်သိပ္ပံပညာရှင် Arnim Zola ရဲ့ မှတ်ဉာဏ်တွေကို သိမ်းဆည်းထားတဲ့
စူပါကွန်ပြူတာကြီးဆီမှာ သူတို့ရထားတဲ့ သတင်းအချက်အလက်တွေကို
ဖော်ထုတ်ကြပါတယ်။ တကယ်တော့ S.H.I.E.L.D အဖွဲ့ထဲမှာ HYDRA လို့ ခေါ်တဲ့
နောက်ထပ် လျှို့ဝှက်အဖွဲ့တစ်ဖွဲ့ရှိနေပြီး သူတို့ဟာ ဒုတိယကမ္ဘာစစ်ပြီးကတည်းက
နိုင်ငံပေါင်းများစွာကို မတည်မငြိမ်ဖြစ်အောင် လုပ်ဆောင်ခဲ့ကြပါတယ်။ HYDRA
ရဲ့ ရည်မှန်းချက်က တကမ္ဘာလုံးကို လက်နက်နဲ့ အုပ်စိုးဖို့ ဖြစ်ပြီး
လောလောဆယ်မှာ Alexander Pierce က ဦးဆောင်နေပါတယ်။ Winter Soldier ဟာ HYDRA
ရဲ့ လက်အောက်ခံဖြစ်ပြီး ဦးနှောက်ကို ရှော့ခ်တိုက်ဆေးကြောထားသူ
တစ်ယောက်ပါ။
Steve နဲ့ Natasha တို့ဟာ ဒီပြဿနာကို ဖြေရှင်းနိုင်ဖို့ Steve ရဲ့ မိတ်ဆွေ
လေထီးခုန်သမား Sam Wilson ရဲ့ အိမ်မှာ သွားပုန်းနေပါတယ်။ Sam ဟာ Falcon
လို့ခေါ်တဲ့ တောင်ပံတစ်စုံကို ပိုင်ဆိုင်ထားပြီး လေထဲမှာ
ဝဲပျံတိုက်ခိုက်နိုင်သူပါ။ Captain America ၊ Black Widow နဲ့ Falcon တို့
S.H.I.E.L.D ထဲကို ဘယ်လို ပြန်လည်ထိုးဖောက်မလဲ၊ Winter Soldier ကိုရော
ဘယ်လို နှိမ်နင်းမလဲဆိုတာကိုတော့ ဆက်လက်ရှုစားကြပါခင်ဗျာ …
ဒါရိုက်တာ Anthony Russo နဲ့ Joe Russo တို့ရိုက်ကူးပြီး Chris Evans ၊
Samuel L. Jackson ၊ Scarlett Johansson ၊ Anthony Mackie ၊ Sebastian Stan
၊ Cobie Smulders ၊ Frank Grillo နဲ့ Robert Redford တို့ ပါဝင်
သရုပ်ဆောင်ထားတဲ့ Captain America: The Winter Soldier ဟာ Captain America
ရဲ့ ဒုတိယမြောက် ဇာတ်ကားဖြစ်ပါတယ်။ Marvel ရဲ့ နာမည်ကျော်
ဟီးရိုးတစ်ယောက်ဖြစ်တဲ့ Captain America ရဲ့ လက်ရှိခေတ်ကာလမှာ အံဝင်အောင်
ကြိုးစားရပုံနဲ့ အင်အားကြီးချင်သူတွေရဲ့ အင်အားစုစည်းမှုတွေ
ထိပ်တိုက်ရင်ဆိုင်ရပုံကို ဇာတ်လမ်းဆင်ထားတာပဲ ဖြစ်ပါတယ်။ ဒီကားမှာ Captain
America ရဲ့ နာမည်ကြီး ဇာတ်ရုပ် Sharon Carter ကိုလည်း DOWNLOAD OR WATCH
HEREမိတ်ဆက်သဘောမျိုး ထည့်သွင်းထားတာ တွေ့ရမှာပါ။ ကောင်းမွန်လှတဲ့ ရုပ်ထွက်
ဖန်တီးမှုတွေနဲ့ ခိုင်မာတဲ့ ဇာတ်အိမ်က နည်းနည်း အိုဗာဖြစ်နေတဲ့
စွန့်စားခန်းတွေကို ဖုံးလွှမ်းသွားမှာပါ။
IMDb မှာ Rating 8.2 ရရှိထားပြီး Rotten Tomatoes မှာလည်း Tomatometer 89%
ရရှိထားတာမို့ အတော်လေးကောင်းတဲ့ ဇာတ်ကားလို့ ပြောနိုင်ပါတယ်။
လက်နက်ဆန်းမျိုးစုံကို မြင်ရမှာ ဖြစ်သလို အရင်က စူပါဟီးရိုးဇာတ်လမ်းတွေလို
အသားလွတ်ကြီး အစွမ်းထက်နေတာမျိုးမဟုတ်ပဲ ထက်မြက်ကျွမ်းကျင်မှုနဲ့
စွန့်စားမှုတွေကြောင့် လူစွမ်းကောင်းအဖြစ် ထိုက်တန်ကြောင်း
ထည့်သွင်းပြသထားပါတယ်။ Falcon ရဲ့ တိုက်ခန်း ခိုက်ခန်း အချို့ကလွဲရင်
ကျန်တဲ့ ဇာတ်ကွက်တွေကို တတ်နိုင်သရွေ့ အထူးပြုလုပ်ချက် မသုံးပဲ ဖန်တီးထားတာ
တွေ့ရပါတယ်။ Captain America ရဲ့ အဓိက လက်နက်ဖြစ်တဲ့ ဒိုင်းကြီးကိုလည်း
ကာကွယ်ဖို့ထက် တိုက်ပွဲဝင်ဖို့ ပိုမိုအသုံးပြုသွားတာကို တွေ့ရမှာပါ။
ရုပ်ရှင်ဝေဖန်သူတွေက Batman ရဲ့ The Dark Knight ဇာတ်ကားကို ယှဉ်နိုင်တဲ့
အရည်အသွေးရှိတယ်လို့ မှတ်ချက်ပြုထားကြပါတယ်။
Post a Comment